Ciidamada Xoogga Dalka oo caawa ku hooyanaaya Degmada Ufurow, markii ay la wareegeen
- Tweet
- Comments
Print
- Email
Ciidamada Xoogga Dalka Soomaaliyeed ayaa waxay caawa la wareegeen gacan ku heynta Degmada Ufurow ee Gobolka Baay, markii ay teggeen iyadoo aysan cidna gacanta ku heyn.
Ciidamada Qalabka Sida ee Qaranka oo garab ka helaaya Ciidamada Midowga Afrika ee Amisom, ayaa waxay si buuxdo leh ay ula wareegeen gacan ku heynta Degmada Ufurow.
Wax dagaalo ah kama dhicin Degmada Ufurow markii ay la wareegayeen Ciidamada Dowladda iyo Amisom, maadaama ay Al Shabaab horey uga baxday Degmada Ufurow.
Ciidamada Dowladda iyo Amisom ayaa waxay caawa si nabad leh ay ugu hooyanayaan Degmada Ufurow, waxayna maal maha soo socda ay ku sii jeedaan Degmada Diinsoor ee Gobolka Baay.
Wasiirka Wasaarada Gaashaandhiga ee Xukuumada Somaliya C/Xakiin Xaaji Maxamuud Fiqi, ayaa wuxuu Talaadadii la soo dhaafay uu sheegay, inay goor dhaw la wareegi doonaan Degmada Diinsoor.
|
|
