Waqtiga Xukuumadda Kmg ah ee Soomaaliya oo maanta si rasmi ah u dhamaaday
- Tweet
- Comments
Print
- Email
Waxaa maanta dhamaaday mudadii loogu talla-galay inay jirto Xukuumadda Kmg ah ee Soomaaliya, iyadoo uu maanta uu si rasmi ah uu u dhamaaday waqtigii loogu talla-galay inay jirto Xukuumadda uu Raa’isal Wasaaraha ka yahay C/Wali Maxamed Cali Gaas.
Qaramada Midoobe oo soo dhoodhoobtay Xukuumadda Kmg ah ee Soomaaliya ayaa waxay ugu talla-gashay in waqtiga Xukuumaddu uu dhamaado 20-ka bisha Agosto oo maanta si rasmi ah ugu beegan.
Xoghayaha Guud ee Qaramada Midoobe Mr Banki Moon ayaa wuxuu shaaciyay in Xilliga Xukuumadda Somaliya uu ku egyahay 20-ka Agosto oo maanta ku aadan, isagoona sheegay in wixii xilligaasi ka dambeeya Soomaaliya loo-sameyn doono Xukuumad tani bedeleyso.
Inkastoo uu dhamaaday mudadii loogu talla-galay Xukuumadda Soomaaliya, ayaa waxaa hadana xilligaan jirin Xukuumad kale oo taasi bedeli laheyd, maadaama xilligii wax walba loogu talla-galay inay qabsoomaan, ay dib uga soo dhacday mudadii loogu talla-galay.
Madaxda Dowladda Kmg ah ee Soomaaliya ayaa waxaa maanta ka dhaxeeya khilaafaad xoog leh, waxaana muuqaneysa inay si weyn u sii kala fogaanayaan Madaxweyne Shariif iyo Raa’isal Wasaare Gaas.
|
|
