Markacadey.net » Warka » Waalidiin qir iyo qar ka joogga wiil yar oo ay dhalleen “Daawo Sawirada”

Waalidiin qir iyo qar ka joogga wiil yar oo ay dhalleen “Daawo Sawirada”

Published on Feb 22 2012 By: Dhaliye // 1,941 Reads // Dhacdooyinka Caalamka, Wararka Somalia

Lamaane u dhashay dalka Shiinaha ayaa waxay qaati ka taagan yihiin wiil yar oo ay dhalleen, kadib markii ay soo wajahday cayil aad u baahsan, taasoo ay qaylo dhaan ka muujiyeen lamaanahaasi.

Lamaanahaan oo lagu kala magacaabo Lu Yuncheng iyo Chen Yuan ayaa waxay qaati ka taagan yihiin wiil yar oo ay dhalleen, kaasoo lagu magacaabo Lu Hao, da’diisuna ay tahay seddex sano jir, hadaba sababaha ay uga qaylo dhaaminayaan ayaa waxay ku sifeeyeen cayilka faraha badan leh ee soo wajahday.

Waxay sheegeen in markii uu dhashahy wiilkoodu yar uu miisaankiisu ahaa 2.6kg, hase ahaatee markii uu seddex bilood jirsaday ayaa wuxuu bilaabay bay yiraahdeen in uu si xowli leh u cayilo, taasoo ka dambeysay in miisaankiisu uu iminka sii caga-cageynaayo 60kg.

Wiilkaan yar oo u dhashay dalkaasi Shiinaha ayaa wuxuu si’aad ah u cunaa Bariiska, xitaa waxay waalidiintiisu ay sheegeen in uu cuno, cuno aysan labadooduba cuni kareyn, isla-markaana waxay sheegeen kolka ay isku dayaan inay cunada ka xakameeyaan ayay sheegeen in uu si’aad ah u ooynaayo.

Sidoo kale waxay sheegeen in’ay ku adag tahay mararka qaarkood inay kor u qaadaan culeyskiisa awadeed, iyagoo sheegay inay si’aad ah uga wal-walsan yihiin caafimaadkooda wiilkoodu yar.

Waxay sheegeen inay go’aansadeen inay soo socod-siiyaan, ayna geeyaan webi ku yaalla deegaanka ay degan yihiin, si uu webiga ugu dabaasho, laakiin waxay sheegeen in webiga iyo socodka ay soo socod-siiyaan uu uga daro wiilkoodu, iyagoo intaasi ku daray in amuurtaasi ay si’aad ah ula yaabeen.

Si kastaba ha-ahaatee lamaanahaan u dhashay dalka Shiinaha ayaa waxay sheegeen in rajadoodu ugu weyn ay tahay, in’ay maalin uun arkaan iyadoo wiilkoodu yar uu ka yaraado culeyska faraha badan leh, ayna arkaan wiilkoodu yar oo leh jir qurxoon.