Dagaalo saf balaaran leh oo maanta lagu qaaday Al Shabaab iyo dhul balaaran oo dagaalo xoogan looga qabsaday
Dagaalo qaraar ayaa waxaa maanta Xoogaga Shabaab looga qabsaday dhul balaaran, iyadoo dhinaca kalana ay dagaaladaasi geysteen khasaarooyin kala duwan oo iskugu jira dhimasho iyo dhaawac xoogan.
Kahor inta aysan dagaalada bilaaban ayay diyaaradaha dagaalada ee Dowladda Kenya ay duqeymo xoogan ku garaaceen Deegaanka Dalaayad ee duleedka Degmada Badhaadhe ee Gobolka Jubbada Hoose, isla-markaana waxaa duqeymaha xigay weeraro efantari ah oo lagu soo qaaday.
Weerarada efantariga ah ayaa waxaa si balaaran u soo wada-qaaday Ciidamadda Dowladaha Kenya iyo Soomaaliya, balse waxaa ku wehlinaayay Ciidamadda Jabhadda Raaskambooni ,oo uu hogaamiyo wadaadka weyn ee Sheekh Axmed Maxamed Islaam “Sheekh Axmed Madoobe”.
Dagaalada labada dhinac oo qaatay waqti badan ayay markale diyaaradaha dagaalada ee Dowladda Kenya ay duqeymo xoogan markale ku garaaceen Deegaanka Dalaayad oo laga saari waayay Xoogaga Shabaab, inkastoo markii dambe laga saaray.
Dagaalada maanta ruxay Deegaanka Dalaayad ayaa waxay geysteen khasaarooyinka kala duwan oo iskugu jira dhimasho iyo dhaawac, isla-markaana dhimashada ayaa waxaa lagu sheegay inay ka badan tahay 15 askari, halka dhaawacyaduna ay sii caga-cageynayaan in ka badan 30 askari.
Isgaarsiinta ayay Dowladda Kenya ka jartay Deegaanka Dalaayad, si markaasi aysan dagaalo rogaal celin ah u soo qaadin Xoogaga Shabaab, isla-markaana Xoogaga Shabaab ayaa waxaa la-sheegay inay u dhaqaaqeen dhinaca Magaaladda Kismaayo ee Xaruunta Gobolka Jubbada Hoose.
Majirto wax war ah oo ka soo kala baxay Dowladaha Soomaaliya iyo Kenya, marka laga reebo warar madax banaan oo sheegaaya in Ciidamadda Xarakada Al Shabaab laga saaray Deegaanka Dalaayad ee duleedka Degmada Badhaadhe ee Gobolka Jubbada Hoose.
Related posts:
- Xarakada Al Shabaab oo maanta dagaalada looga qabsaday dhul balaaran “Daawo Sawirada”
- Ahlu Sunna oo dagaalo xoogan ku qaaday Al Shabaab iyo dhul balaaran oo Al Shabaab laga saaray
- Dagaalo culus oo lagu qaaday Al Shabaab iyo dhul balaaran oo lagala wareegay “Top News”
- Xarakada Al Shabaab oo maanta laga qabsaday dhul balaaran oo ay muddo gacanta ku heysay “Top News”
- Xoogaga Shabaab oo dagaalo culus ku soo qaaday Ciidamadda Dowladda iyo Kenya, iyo dhul balaaran oo ay la-wareegeen
|
|
2 Comments
@ haji nacalatulahi calayhi hadi ad munafaqnimadadi so bandhigtay adna waxa ad sugta wa in amalkadi lagu siyo dadka adiga oo kale ahna waxan leyahay ee qaba amradul qulubka mutu bigaydikum ku dhinta caradina
Asc guul cadawga ilaah iyo cadawga umada somaliyed wa laga adakaan dona dowlada waxa leyhay dhamestira hosha aad ku baabineysan khawarijta bye