Xarakada Al Shabaab ayaa waxay khasaaro u geysatay Ciidamadda Milatariga ee Dowladda Kenya, iyadoo dhinaca kalana ay sheegtay inay sii wadi doonto khasaaraha xoogan ee ay u geysaneyso.

Gawaari ay wateen Ciidamadda Dowladda Kenya oo maraayay Deegaanka Al Wiila ee duleedka Magaaladda Garbahaarey ee Gobolka Gedo, ayaa waxaa qarax xoogan la-beegsaday rag ka tirsan Xarakada Al Shabaab.

Qaraxaasi ayaa wuxuu qabsaday gaari ay saarnaayeen in ka badan 20 askari oo Kenyan ah, isla-markaana waxaa ka soo gaaray khasaarooyin kala duwan oo iskugu jira dhimasho, dhaawac iyo gaariga oo uu ku yimid burbur xoogan.

Weerarkaan oo dhacay saacado kahor, ayaa waxaa soo sheegay dad ka yimaaday Deegaanka Al Wiila, kuwaa oo soo gaaray Magaaladda Garbahaarey, iyagoo intaasi ku daray in isgaarsiinta laga jaray Deegaanka Al Wiila.

Waxay dadkaasi sheegeen in goobtaasi ay ku dhinteen tiro ka badan 10 askari oo Kenyati ah, halka tiraii kalana ee saarneyd ay sheegeen inay soo gaareyn dhaawacyo kala duwan oo qaarkood halis ah, inkastoo aysan weli ka hadlin Dowladda Kenya.

Saraakiisha Xarakada Al Shabaab ee Gobolka Gedo, ayaa waxay ku faaneyn in weerarkaasi ay ku dilleen in ka badan 30 askari, balse dadka ka yimaaday Deegaanka Al Wiila ayaa waxay sheegeen in dhimashado ay toban gaareyso, laakiin aysan gaareyn 30 askari.

Related posts:

1. WAR DEG DEG: Xarakada Al Shabaab oo khasaaro u geysatay Ciidamadda Dowladda Kenya
2. Dowladda Kenya oo si xarako leh u sheegtay inay khasaaro culus u geysatay Xarakada Al Shabaab
3. Xarakada Al Shabaab oo sheegtay in khasaaro culus ay u geysatay Ciidamadda Dowladda Soomaaliya
4. Xarakada Al Shabaab oo sheegtay inay khasaaro u geysatay Ciidamadda Kenya iyo Raaskambooni oo ka jawaabtay
5. Dowladda Soomaaliya oo sheegtay in Xarakada Al Shabaab ay u geysatay khasaaro culus “Warbixin”