Daawo Sawirada: Agaasimihii Idaacada Shabelle oo maanta lagu aasay Magaaladda Muqdisho
- Tweet
- Comments
Print
- Email
Bahda Saxaafadda ayaa waxay maanta u tahay maalin murugo iyo argagax badan, kadib markii maanta lagu hor aasay Allaha u naxariistee Agaasimihii Idaacada Shabelle Xasan Cusmaan Cabdi “Xasan Fantasic”.
Qeybaha kala duwan ee bulshada Somaliyeed ayaa waxay u soo baxeyn inay si wanaagsan ugu aasaan Magaaladda Muqdisho Agaasimihii Idaacada Shabelle, oo xalay fiidkii lagu dillay Magaaladda Muqdisho.
Meydka Allaha u naxariistee Xasan Fantastic ayaa waxaa laga soo qaaday Cisbitaal Madiina oo ku yaalla Degmada Wadajir ee Gobolka Banaadir, isla-markaana waxaa si weyn maanta loogu aasay Qabuuraha Baqdaad ee Degmada Wadajir.
Xasan Cusmaan Cabdi ayaa waxaa duugtiisa kadib u duceysay bulshada Somaliyeed, iyagoo ugu duceeyay in uu Alle geeyo meel wanaagsan, maadaama la-dillay isagoo u shaqeynaaya bulshada Somaliyeed.
Dowladda Kmg ah ee Soomaaliya oo ka hadashay dilka Agaasimihii Idaacada Shabelle Xasan Cusmaan Cabdi “Xasan Fantasic”, ayaa waxay si weyn u cambaareysay tallaabada lagu dillay, iyadoo dhinaca kalana sheegtay inay wado baaritaano balaaran.
|
|
