Waxaa caawa fiidkii Magaaladda Muqdisho lagu dillay Allaha u naxariistee Agaasimihii Idaacada Shabelle ee Magaaladda Muqdisho, iyadoo ay dilkiisa geysteen rag hubeysan, oo aan la-garaneyn waxa ay yihiin.

Rag bistoolado ku hubeysan ayaa waxay Agaasimihii Idaacada Shabelle ee Magaaladda Muqdisho Xasan Cusmaan Cabdi “Xasan Fantastic”, ay ku dilleen Xaafadda Nasteexa ee Degmada Wadajir ee Gobolka Banaadir.

Xasan Cusmaan Cabdi “Xasan Fantastic” kahor inta uusan dhiman ayaa waxaa loogula cararay cisbitaalka Madiina ee Magaaladda Muqdisho si halkaasi wax looga qabto xaaladiisa caafimaadeed, hase yeeshee taasi ayaan suurta gellin.

Geerida ku timid marxuum Xasan Cusmaan Cabdi “Xasan Fantastic”, ayaa waxaa baahisay Idaacada Shabelle ee Magaaladda Muqdisho, waxayna qirtay inay dilleen rag hubeysan oo aan heybtooda la-aqoonsan.

Xarakada Al Shabaab ayaa waxay dhawr jeer ay hanjabaado xoogan ugu jeedisay Xasan Cusmaan Cabdi “Xasan Fantastic”, isagoo si weyn uga soo horjeeda Xoogaga Shabaab, oo uu kala dhaxeeyay khilaafaad xoogan.

Related posts:

1. Wariye u dhashay dalka Malaysia oo caawa lagu dillay magaaladda Muqdisho iyo mid kale oo uu dhaawac soo gaaray
2. Gabar Wariyad ah oo caawa lagu dillay Waqooyiga Magaaladda Galkacyo ee Gobolka Mudug
3. WAR DEG DEG: Wariye caan ah oo goor dhaw lagu dillay magaaladda Muqdisho
4. Wararkii ugu dambeeyay qaabka rasmiga ah ee loo-dillay Xildhibaan maanta lagu toogtay magaaladda Muqdisho
5. Gabar dhalinyaro ah oo lagu dillay magaaladda Muqdisho iyo Xarakada Al Shabaab oo ka dambeysay