Ciidamadda Milatariga ee Dowladda Itoobiya ee ku sugan Magaaladda Baladweyne ee Gobolka Hiiraan, ayaa waxay xabsiga dhiggeen nin masuul ah oo si weyn looga garanaayo Gobolka Hiiraan, inkastoo markii dambe gacantoodu laga soo saaray.

Madaxa Shirka Isgaarsiinta ee Hormuud Telecom Maxmed Sabriye Nuur , ayaa waxay Ciidamadda Itoobiya ka soo qabteen gudaha Magaaladda Baladweyne, xilli ay ka sameeyeen dhaq dhaqaaqyo ay ammaanka ku sugayeen.

Ciidamadda Itoobiya ayaa waxay masuulkaan u taxaabeen xabsiga, wuxuuna u xirnaa dhawr saacadood oo xiriir ah, hase yeeshee waxaa ka war hellay in la-xiray Odayaasha Golaha Dhaqanka ee Deegaanka Baladweyne.

Odayaasha iyo wax-garadka ayaa waxay amuurtaasi ay u galleen dadaalo xoogan, waxayna markii dambe suurta gelliyeen in si adag ay gacanta Ciidamadda Itoobiya uga soo saaraan Maxmed Sabriye Nuur.

Madaxa Shirka Isgaarsiinta ee Hormuud Telecom Maxmed Sabriye Nuur, oo aad u cafimaad qaba ayaa wuxuu xilligaan uu si caadi ah uu ugu sugan yahay Magaaladda Baladweyne ee Gobolka Hiiraan, oo muddo bil kahor lagala wareegay Xoogaga Shabaab.

Ciidamadda Milatariga ee Dowladda Itoobiya, ayaa waxay dhaq dhaqaaqyo balaaran ay ka sameeyaan gudaha Magaaladda Baladweyne, waxayna taasi ka dambeysay markii qarax ismiidaamin ah lala beegsaday todobaadkii hgore.

Related posts:

1. Ciidamadda Dowladda Itoobiya oo gacanta ku dhigay rag caan ah oo ka tirsan Xarakada Al Shabaab “Aqriso”
2. Raa’isal Wasaaraha Itoobiya oo shaaca ka qaaday in Ciidamadda Itoobiya aysan ka soo bixi doonin Magaaladda Baladweyne, ilaa?
3. Xarakada Al Shabaab oo loogu tashaday in si deg deg ah looga saaray Koonfurta iyo Bartamaha Soomaaliya “Top News”
4. Ciidamadda Dowladda Masar oo xabsiga dhigay muwaadin Somaliyeed oo heysta dhalashada dalka Canada
5. Ciidamadda Dowladda Itoobiya oo u soo qalab qaatay magaaladda Baladweyne iyo dagaalo laga cabsi qabo