Xoogaga Shabaab ayaa waxay dagaalo xoogan ay ku soo qaadeen Ciidamadda Midowga Afrika ee Amisom iyo Ciidamadda Dowladda Kmg ah ee Soomaaliya, waxayna dagaaladaan geysteen khasaarooyin kala duwan.

Ciidamadda Xarakada Al Shabaab oo hubka cul culus ku hubeysan, ayaa waxay dagaalo xoogan ay Ciidamadda Dowladda iyo Amisom ay xalay kula galleen Degmada Heliwaa ee Gobolka Banaadir, isla-markaana dagaalada ayaa waxay labada dhinac ay ka soo kala gaareyn khasaarooyin kala duwan.

Dagaaladaan oo ka dhacay deegaano ka tirsan Degmada Heliwaa, ayaa waxay xoogoodu ka kala dhaceen Al Cadaala, Isgoyska SOS iyo Saldhiga Degmada Heliwaa, waxayna dagaaladu ay baqdin xoogan ku beereyn shacabka ku dhaqan Magaaladda Muqdisho.

Dagaaladaan ayaa waxaa barbar socday madaafiic xoogan oo ay ridayeen Ciidamadda Amisom, wallow aysan wax khasaaro ah ka soo gaarin shacabka ku dhaqan Magaaladda Muqdisho, ayaa waxay hadana cabsi xoogan ay ku beereyn shacabka.

Labada dhinac ayaa waxay dagaalada ka soo kala gaareyn khasaarooyin iskugu jira dhimasho iyo dhaawac, inkastoo khasaaraha soo kala gaaray aan si dhab ah loo-ogeyn, ayaa waxaa hadana dhimashada lagu sheegay ilaa 4 askari oo labada dhinac ah.

Sheekh Maxamed Daahir oo ka mid ah Saraakiisha Al Shabaab ee Gobolka Banaadir, ayaa wuxuu qiray inay iyagu qaadeen dagaaladaasi, isagoo intaasi ku daray inay khasaaro xoogan ugu geysteen waxa uu ugu yeeray cadowga.

Dagaalada iyo duqeymaha habeenadaan ka soconaaya Magaaladda Muqdisho oo noqday kuwo joogto ah, ayaa waxaa si weyn uga horyimid shacabka ku dhaqan Magaaladda Muqdisho, oo dalbaday in madaafiicda laga kala qafiifiyo.

Related posts:

1. Xarakada Al Shabaab oo guulo balaaran ka sheegatay dagaalo xoog leh oo ay la-gashay Dowladda Soomaaliya
2. Dagaalo culus oo ka dhacay deegaanka Hees iyo Dowladda oo guulo balaaran ka sheegatay
3. Dagaalo xoogan oo dhex maray Ciidamadda Shabaab iyo Kenya iyo Al Shabaab oo guulo ka sheegatay
4. Dowladda Soomaaliya oo guulo balaaran ka sheegatay dagaalo culus oo ka dhacay degmada Ceelwaaq
5. Xarakada Al Shabaab oo guulo balaaran ka sheegatay dagaalo culus oo ka dhacay magaalada Dhuusa Mareeb