Dagaalo galabta dhex maray Ciidamadda Kenya iyo Shabaab, iyo Ciidamadda Dowladda Kenya oo uu khasaaro soo gaaray

Dagaalo kedis ah ayaa waxay galabta ka dhaceyn Gobolka Jubbada Hoose, iyadoo uu u dhaxeeyay Ciidamadda Xarakada Al Shabaab iyo Ciidamadda Dowladda Kenya ee gudaha u soo gallay dalka Soomaaliya.

Dagaalada ayaa waxay ka dhaceen inta u dhaxeysa degmada Dhoobleey iyo deegaanka Taabto, isla-markaana dagaalka ayaa yimid, kadib markii Ciidamadda Dowladda Kenya oo wadada maraayay, ay jidka u galleen Ciidamadda Xarakada Al Shabaab.

Ciidamadda Dowladda Kenya ayaa waxay ka soo baxeyn degmada Dhoobleey, waxayna ku soo jeedeen deegaanka Taabto, hase ahaatee inta u dhaxeyso Taabto iyo Dhoobleey ayaa waxaa wadada u gallay ciidamo ka tirsan Al Shabaab.

Ciidamadda Xarakada Al Shabaab ayaa waxay Ciidamadda Dowladda Kenya ay ku garaaceen Baasuukaha garabka laga tuuro, kuwaa oo ay wax-yeelo ka soo gaareyn baabuurta dagaalka oo ay wateen Ciidamadda Dowladda Kenya.

Ciidamadda Kenya ayaa waxaa la-sheegay in uu iyagu xataa soo gaaray khasaaro kala duwan, hase ahaatee lama haayo warar intaasi ka badan, isla-markaana warkaan ayaa waxaa caawa Saxaafadda u sheegay shacabka ku dhaqan inta u dhaxeysa Dhoobleey iyo Taabto.

Ugu dambeen Ciidamadda Dowladda Kenya iyo kuwa Shabaab oo uu markii dambe dhex maray dagaalo ku dhufo oo ka dhaqaaq ah, ayay dib u gurteen Ciidamadda Xarakada Al Shabaab oo iyagu madaafiic ku garaacay Ciidamadda Dowladda Kenya.

Faah faahinta warkaan kala soco wararkayna dambe.